ನಮ್ಮ ಬಡಾವಣೆಯ 40 ನೆಯ ರಾಮೋತ್ಸವ

ನಮ್ಮ ಬಡಾವಣೆಯ 40ನೇ ರಾಮೋತ್ಸವವು ಈ ವರ್ಷವೂ ಭಕ್ತಿ, ಸಂಗೀತ ಮತ್ತು ಸಂಭ್ರಮದ ಸಂಗಮವಾಗಿ ನೆರವೇರಿತು. ಈ ಸಂದರ್ಭದಲ್ಲಿ ಶ್ರೀ ಶಶಿಧರ್ ಕೋಟೆ ಅವರ ಗಾಯನ ವಿಶೇಷವಾಗಿ ಎಲ್ಲರ ಮನಸೆಳೆದಿತು. ಅವರ ಧ್ವನಿಯಲ್ಲಿ ಹರಿದು ಬಂದ ಭಕ್ತಿ ರಸದ ಸಿಂಚನವು ಶ್ರೋತೃಗಳನ್ನು ಆನಂದಭರಿತರನ್ನಾಗಿ ಮಾಡಿತು.

ಕಾರ್ಯಕ್ರಮದ ಆರಂಭದಲ್ಲಿ ಅವರು ಹಾಡಿದ “ಹರಿವರಾಸನಂ” ಹಾಡು ಭಕ್ತಿಯ ತೀವ್ರತೆಯನ್ನು ಮೂಡಿಸಿ, ಎಲ್ಲರನ್ನು ದೈವಚಿಂತನೆಗೆ ಕರೆದೊಯ್ದಿತು. ನಂತರ “ಅನುಭವ ದಡಿಗೆಯ ಮಾಡಿ” ಎಂಬ ಕೀರ್ತನೆಯ ಮೂಲಕ ಭಕ್ತಿಯ ಆಳವನ್ನು ಮನದಟ್ಟುಗೊಳಿಸಿದರು. “ಭಾಗ್ಯಾದಾ ಲಕ್ಷ್ಮೀ ಬಾರಮ್ಮಾ” ಹಾಡಿನಲ್ಲಿನ ಅವರ ನಾದ ಸೌಂದರ್ಯ, ಶ್ರೋತೃಗಳಲ್ಲಿ ವಿಶೇಷ ಉತ್ಸಾಹವನ್ನು ಹುಟ್ಟಿಸಿತು.

ಮುಂದೆ ಅವರು ಹಾಡಿದ “ಶ್ರೀರಾಮ ನಿನಾಮಂ ಎಂತ ರುಚಿರಾ” ಕೀರ್ತನೆ ರಾಮನಾಮದ ಮಹಿಮೆಯನ್ನು ಮನಮಿಡಿಯುವಂತೆ ಪರಿಚಯಿಸಿತು. ಕಾರ್ಯಕ್ರಮದಲ್ಲಿ ಅವರು ಹಾಡಿದ “ಮಧುಕರ ವೃತ್ತಿ ನಮ್ಮದು” ಹಾಡು ಭಕ್ತಿಯ ತಾತ್ವಿಕತೆಯನ್ನು ಸುಂದರವಾಗಿ ಅನಾವರಣಗೊಳಿಸಿತು.
ಒಟ್ಟಾರೆ, ಶ್ರೀ ಶಶಿಧರ್ ಕೋಟೆ ಅವರ ಗಾಯನವು ರಾಮೋತ್ಸವಕ್ಕೆ ವಿಶಿಷ್ಟ ಕಳೆ ತಂದಿತು. ಅವರ ಸಂಗೀತ ಭಕ್ತಿ, ಭಾವ ಮತ್ತು ಭರಿತತೆಯ ಸಮನ್ವಯವಾಗಿದ್ದು, ಈ ವರ್ಷದ ರಾಮೋತ್ಸವವನ್ನು ಎಲ್ಲರ ನೆನಪಿನಲ್ಲಿ ಉಳಿಯುವಂತೆ ಮಾಡಿತು.

 ಸಂಜೆ ಕಾರ್ಯಕ್ರಮದಲ್ಲಿ ಎಂದಿನಂತೆ ಮಕ್ಕಳ ವೇಷಭೂಷಣ ಸ್ಪರ್ಧೆ ಹಾಗೂ ನೃತ್ಯಗಳು ಹಾಡುಗಳು ನಡೆದವು
 ಈ ಸಲದಲ್ಲಿ ಅನೇಕ ಮಕ್ಕಳು ನಾ ಮುಂದು ತಾ ಮುಂದು ಎಂದು ಹೆಸರು ಕೊಟ್ಟು ನೃತ್ಯಗಳನ್ನು ಮಾಡಿ ಹಾಡುಗಳನ್ನು ಹೇಳಿ ಅದ್ಭುತವಾಗಿ ನಡೆಸಿಕೊಟ್ಟರು

 ಡಾ || ಎ ಎಸ್ ಚಂದ್ರಶೇಖರ್ ಅವರ ಬರೆದ ನಾಟಕಕ್ಕೆ ಶ್ರೀಮತಿ ಮೀರಾ ಜಯರಾಮ್ ಅವರು ಅನೇಕ ದಿನಗಳಿಂದ ಹುಡುಗರನ್ನು ತಯಾರು ಮಾಡಿ , ಅಲ್ಲಿ ನಿರೂಪಣೆಯನ್ನು ಮಾಡಿ , ಅದ್ಭುತವಾಗಿ ನಾಟಕ ಪ್ರದರ್ಶನ ಮಾಡಿಸಿದರು. ಹುಡುಗರು ಅಚ್ಚುಕಟ್ಟಾಗಿ ನಾಟಕ ಪ್ರದರ್ಶನವನ್ನು ಮಾಡಿದರು.

ಅನೇಕ ನೃತ್ಯಗಳ ನಡುವೆ ಕೊನೆದಾಗಿ ಮೂಡಿಬಂದ ಸೀತಾ ಕಲ್ಯಾಣ, ಕುಮಾರಿ ಸೌಮ್ಯ ಅವರ ತಂಡದಿಂದ ಸುಂದರವಾಗಿ ಮೂಡಿಬಂದಿತು. ಅದರ ಒಂದು ಸಣ್ಣ ವಿಡಿಯೋ ಇಲ್ಲಿದೆ.

ಬೆಳಗಿನ ಹಾಗೂ ಸಂಜೆಯ ಕಾರ್ಯಕ್ರಮಗಳೆರದಕ್ಕೂ ಬಹಳ ಬಹಳ ಜನರು ಸೇರಿದ್ದರು . ಒಟ್ಟಿನಲ್ಲಿ, ನಮ್ಮ ಬಡಾವಣೆಯ 40 ನೇ ವರ್ಷದ ರಾಮೋತ್ಸವ ಮನಸ್ಸಿನಲ್ಲಿ ಅಚ್ಚಳಿಯದೆ ಉಳಿಯುವಂತೆ ನಡೆಯಿತು.

ಮುಂದಿನ ವಿಭಾಗಕ್ಕೆ ಹೋಗಲು 4ನೇ ನಂಬರನ್ನು ಒತ್ತಿ.