ಮಕ್ಕಳಿಗೆ ಚಿತ್ರ ಬರೆಯುವ ಸ್ಪರ್ಧೆ
10 ರಿಂದ 16 ವರ್ಷ ಒಳಗಿನ ಮಕ್ಕಳ ವಿಭಾಗ
10 ವರ್ಷದ ಒಳಗಿನ ಮಕ್ಕಳ ವಿಭಾಗ
ಎರಡೂ ವಿಭಾಗಗಳಿಗೆ ಪ್ರತ್ಯೇಕ ಬಹುಮಾನ
– ಬರೆದು ಕಳಿಸಲು ಕೊನೆಯ ದಿನಾಂಕ 25/04/2026.
– A4 ಹಾಳೆ ಯಲ್ಲಿ ಬರೆದು, ಫೋಟೋ ತೆಗೆದು ಕಳಿಸಿ .
– ನೀವು ಬರೆದ ಚಿತ್ರದ ಮೇಲ್ಭಾಗದಲ್ಲಿ, ಹೆಸರು, ವಯಸ್ಸು ಹಾಗು ಸಂಕ್ಷಿಪ್ತ ವಿಳಾಸ ಬರೆದು ಕಳಿಸಿ
ನನ್ನ ನೆಚ್ಚಿನ ವ್ಯಕ್ತಿ ಸ್ಪರ್ಧೆಯ ಉತ್ತರಗಳು
ಶ್ರೀಮತಿ ಸುಮಾ ಆನಂದ್
ನನ್ನ ನೆಚ್ಚಿನ ವ್ಯಕ್ತಿ ನಾನು ಬರೆಯುತ್ತಿರುವುದು ನನ್ನ ಬಾಲ್ಯದ, ಅಂದರೆ ಸುಮಾರು 40 ವರ್ಷದ ಹಿಂದಿನ ಟೀಚರ್ ಬಗ್ಗೆ. ನನ್ನ ಮಿಡಲ್ ಸ್ಕೂಲ್ ಟೀಚರ್ “ಗುಣಸಾಗರಿ” ಅವರ ಬಗ್ಗೆ.
ಇವರ ಹೆಸರಿಗೆ ತಕ್ಕಂತೆ ಒಳ್ಳೆಯ ಗುಣಗಳ ಸಾಗರ. ನಾನು ಓದಿದ್ದು, ಶ್ರೀರಂಗಪಟ್ಟಣದ ಚಿಕ್ಕ ಸರ್ಕಾರಿ ಶಾಲೆಯಲ್ಲಿ .ಅಲ್ಲಿ ಎಲ್ಲದಕ್ಕೂ ಸೀಮಿತಾವಕಾಶ. ಆದರೆ ಇವರು ಆ ಸೀಮಿತ ಅವಕಾಶದಲ್ಲೇ ನಮಗೆ ಪಾಠ, ಆಟ, ಜೊತೆಗೆ ನೃತ್ಯ, , ನಾಟಕ , ಹಾಡುಗಾರಿಕೆಗೂ ಅವಕಾಶ ಕೊಟ್ಟಿದ್ದರು.
ನಾನು ಆರನೇ ತರಗತಿಯಲ್ಲಿದ್ದಾಗ ಶಾಲೆಯ ವಾರ್ಷಿಕೋತ್ಸವಕ್ಕೆ “ಕಾಡು ಕುದುರೆ ಓಡಿ ಬಂದಿತ್ತಾ ” ಹಾಡಿಗೆ ನೃತ್ಯ ಮಾಡಬೇಕಾಗಿತ್ತು . ಮೈಸೂರಿನಿಂದ ನೃತ್ಯ ಸಂಯೋಜಕರನ್ನು (ಅಂದರೆ ಕೊರಿಯೋಗ್ರಾಫರ್ ) ಕರೆಸಿದರು. ಆಗ ಇದು ತುಂಬಾ ದೊಡ್ಡ ವಿಷಯ ಆಗಿತ್ತು . ನಮ್ಮ ನೃತ್ಯ ಚೆನ್ನಾಗಿ ಮೂಡಿಬಂದಿತು .ನಮಗೆಲ್ಲರಿಗೂ ಒಳ್ಳೆಯ ಹೆಸರು ತಂದು ಕೊಟ್ಟಿತು.
ಆಗ ಆಕಾಶವಾಣಿಯಲ್ಲಿ ನಮ್ಮ ಹೆಸರು ಕೇಳುವುದೇ ಒಂದು ಸಂತೋಷದ ವಿಷಯ. ಆದರೆ ಇವರು ತಮ್ಮ ಪ್ರಯತ್ನದಿಂದ, ನಮ್ಮ 10 ಜನರನ್ನು ಮೈಸೂರಿಗೆ ಕರೆದುಕೊಂಡು ಹೋಗಿ, ಆಕಾಶವಾಣಿಯಲ್ಲಿ ಕಾರ್ಯಕ್ರಮ ಕೊಡಿಸಿದರು. ಕಾರ್ಯಕ್ರಮ ಪ್ರಸಾರವಾದ ದಿನ, ಎಲ್ಲರ ಮನೆಯಲ್ಲೂ ಹಬ್ಬದ ವಾತಾವರಣ .ಎಲ್ಲರೂ ರೇಡಿಯೋ ಮುಂದೆ ಕುಳಿತು, ನಮ್ಮ ಧ್ವನಿಯನ್ನು ರೇಡಿಯೋದಲ್ಲಿ ಕೇಳಿ ಪುಳಿಕ್ಕಿತಗೊಂಡೆವು.
ಹೀಗೆ ಮೂರು ವರ್ಷ ( 5 ರಿಂದ 7 ನೇ ತರಗತಿ ) ತುಂಬಾ ಚೆನ್ನಾಗಿ ಕಳೆಯಿತು. ಈಗಲೂ ಇದನ್ನು ನೆನೆಸಿಕೊಂಡರೆ ಮನಸ್ಸು ಮುದಗೊಳ್ಳುತ್ತದೆ. ಅವರ ಮುಖ ಈಗಲೂ ನನ್ನ ಮನಸ್ಸಿನಲ್ಲಿ ಅಚ್ಚೊತ್ತಿದೆ .
ಧನ್ಯವಾದಗಳು ಟೀಚರ್❤️
ಶ್ರೀಮತಿ ಗೌರಿ ಮೋಹನ್ ಭಟ್
“ಮಾತೃದೇವೋಭವ, ಪಿತೃದೇವೋಭವ”.
ತಂದೆ ತಾಯಿ ಈ ಜಗತ್ತಿನಲ್ಲಿ ನಮಗೆ ದೇವರು ನೀಡಿದ ಅತಿ ದೊಡ್ಡ ವರ.
ತಂದೆ-ತಾಯಿ ಪ್ರೀತಿ,ತ್ಯಾಗ,ವಾತ್ಸಲ್ಯ,ಸಂಬಂಧ,ಸಹನೆ, ಸೌಜನ್ಯತೆ ಮತ್ತು ಮಾರ್ಗದರ್ಶನವನ್ನು ತೋರುಪಡಿಸಿದ ಆದರ್ಶ ವ್ಯಕ್ತಿಗಳು. ನಿಷ್ಕಲ್ಮಶ, ನಿಸ್ವಾರ್ಥ ಪ್ರೀತಿಯಿಂದ ಮಕ್ಕಳನ್ನು ಸಲಹುತ್ತಾರೆ. ಜೀವನದ ಮೊದಲ ಗುರುಗಳು ಮತ್ತು ಆದಾರಸ್ತಂಬಗಳು. ತಾಯಿ ಪ್ರೀತಿಯ ಸಿಹಿ ಸಾಗರದಂತೆ, ತಂದೆ ಬೆನ್ನೆಲುಬಾಗಿ ನಿಲ್ಲುವ ಧೈರ್ಯದ ಸಂಕೇತ. ಅವರ ಆಶೀರ್ವಾದವಿಲ್ಲದೆ ಜೀವನದಲ್ಲಿ ಯಶಸ್ಸು ಅಸಾಧ್ಯ. ಜನ್ಮ ನೀಡಿ, ಸಾಕಿ, ಸಲಹಿ, ಸುಸಂಸ್ಕೃತರನ್ನಾಗಿ ಬೆಳೆಸುವ ತಂದೆ-ತಾಯಿ ಋಣವನ್ನು ಏಳು ಜನ್ಮಗಳೆತ್ತಿದರೂ ತೀರಿಸಲು ಸಾಧ್ಯವಿಲ್ಲ. ವೃದ್ಯಾಪ್ಯದಲ್ಲಿ ತಂದೆ-ತಾಯಿಯನ್ನು ಪ್ರೀತಿ, ಗೌರವ ಕೊಟ್ಟು ಆತ್ಮೀಯದಿಂದಿರಿ.
ಈ ಎರಡೂ ಉತ್ತರಗಳನ್ನು ಪರಿಶೀಲಿಸಿ , ಶ್ರೀಮತಿ ಸುಮಾ ಆನಂದ್ ಅವರಿಗೆ ಬಹುಮಾನ ನೀಡಲಾಗಿದೆ. ಅವರಿಗೆ ಅಭಿನಂದನೆಗಳು .
ಕಳೆದ ಬಾರಿಯ ಪದಬಂಧ ಉತ್ತರಗಳು
A
1) ಪರಮಾವಧಿ 2)ನಾರದ 3) ವಿವರ್ತ
B
1) ಗಾಳಿಗೋಪುರ 2)ಪೀಳಿಗೆ 3) ಸಂಪುಟ
ಸರಿ ಉತ್ತರ ಬರೆದವರು :
1) ಶ್ರೀಮತಿ ಸುಬ್ಬಲಕ್ಷ್ಮಿ ಎಸ್ ರಾವ್
2) ಶ್ರೀಮತಿ ಸೌಮ್ಯ ನಾಗರಾಜ್
ಇಬ್ಬರಿಗೂ ಅಭಿನಂದನೆಗಳು
ಈ ಸಂಚಿಕೆಯ ಪದಬಂಧ – ಡಾII ಚಂದ್ರಶೇಖರ ರಾವ್
ಸುಳುಹುಗಳು :
1) ತೀರ ದರಿದ್ರ
2)ತಡಕಾಡು, ಅರಸು.
3) ಕಿ ಚೀಲ , ಕ್ಷೌರಿಕನ ಚೀಲ
================
