ಕಳೆದ ಸಂಚಿಕೆಯ ಪ್ರಶ್ನೆಗಳಿಗೆ ಓದುಗರ ಉತ್ತರಗಳು :
ಜೂಸ್ ಹಂಚುವ ಪ್ರಶ್ನೆ ಎಲ್ಲರ ಗಮನ ಸೆಳದಿದೆ .
ಅದಕ್ಕೆ ಶ್ರೀಮತಿ ಸುಮಾ ಆನಂದ್ ಅವರು ಈ ಕೆಳಗಿನ ವಿಡಿಯೋ ಮಾಡಿ ಹಾಕಿದ್ದಾರೆ !
ಅದ್ಭುತ
ಅವರು ಬರೆದ ಉತ್ತರಗಳು
ಶ್ರೀಮತಿ ಸುಮಾ ಆನಂದ್ ಅವರು ಬರೆದ ಉತ್ತರಗಳಲ್ಲಿ 2 ನೇ ಉತ್ತರ ಬಿಟ್ಟು , ಎಲ್ಲವೂ ಸರಿಯಾಗಿದೆ . ಜೂಸ್ ವಿಡಿಯೋ ಚೆನ್ನಾಗಿದೆ .
ಶ್ರೀ ಎಸ್ ವಿಠ್ಠಲ ರಾವ್ ಅವರು ಬರೆದ ಉತ್ತರಗಳು :
ಈ ಮೇಲಿನ ಚಿತ್ರಗಳ ಮೂಲಕ ಜೂಸ್ ಲೆಕ್ಕದ ಉತ್ತರ ಬರೆದಿರುವುದು ತುಂಬಾ ಚೆನ್ನಾಗಿದೆ . ಉತ್ತರ 3 ಬಿಟ್ಟು ಎಲ್ಲಾ ಸರಿಯಿದೆ. ಮಂಜುಗಡ್ಡೆ ಸರಿ ಉತ್ತರ
ಶ್ರೀಮತಿ ಸುಬ್ಬಲಕ್ಷ್ಮಿ ಎಸ್ ರಾವ್ ಅವರು ಜೂಸ್ ಪ್ರಶ್ನೆಗೆ ಉತ್ತರ ವಿವರಿಸಿ ಬರೆದಿದ್ದಾರೆ.
2 ನೇ ಪ್ರಶ್ನೆಗೆ ಕೆಮಿಸ್ಟ್ರಿ ಅವರನ್ನು ಕೇಳಿದರೆ ಅನೇಕ ಉತ್ತರ ಹೇಳುವರು. ಎಲ್ಲರಿಗೂ ತಿಳಿದಿರುವ ಇನ್ನೊಂದು ಉತ್ತರ – ಪಚ್ಚಕರ್ಪೂರ – ತೇಲುತ್ತೆ – ಜಾಸ್ತಿ ನೀರಿನಲ್ಲಿ ನಿಧಾನವಾಗಿ ಕರಗುತ್ತೆ
ಭಾಗವಹಿಸಿದ ಎಲ್ಲರಿಗೂ ಅಭಿನಂದನೆಗಳು .
ಈ ಸಂಚಿಕೆಯ ಪ್ರಶ್ನೆಗಳು
1. ಕನ್ನಡಕ ,ಬೀಗದ ಕೈ ಮುಂತಾದ ವಸ್ತುಗಳನ್ನು ಮನೆಯಲ್ಲಿ ಎಲ್ಲೋ ಇಟ್ಟು ಮರೆತಾಗ ಸುಲಭವಾಗಿ ಅದನ್ನು ಹುಡುಕುವ ಉಪಾಯಗಳೇನು?
2. ರಾತ್ರಿ ಮೋಡ ಕವಿದಿದ್ದಾಗ ಬೇಸಿಗೆ ಕಾಲದಲ್ಲಿ ಇನ್ನೂ ಹೆಚ್ಚು ಸೆಕೆಯಾಗುತ್ತದೆ ಇದು ಏಕೆ?
3. ನಿಮ್ಮ ಹತ್ತಿರ 10 ಮಿಲಿ ಗ್ರಾಂ ಅಷ್ಟು ಕಡಿಮೆ ತೂಕವನ್ನು ಅಳೆಯುವ ಸಾಧನವಿದೆ. ನಮಗೆ 5 ಮಿಲಿ ಗ್ರಾಂ ನ ತೂಕ ಬೇಕೆಂದರೆ ಸುಲಭವಾಗಿ ಹೇಗೆ ಮಾಡಬಹುದು?
4. ಭೂಕಂಪವಾಗಲು ಮುಖ್ಯ ಕಾರಣಗಳೇನು?
5. ಒಬ್ಬನ ತರಕಾರಿ ಅಂಗಡಿಯವನ ಹತ್ತಿರ ಈ ರೀತಿಯ ತಕ್ಕಡಿ ಇದೆ.
1 ಕೆಜಿ ಇಂದ 50 ಕೆಜಿ ವರೆಗೂ ಎಲ್ಲಾ ಅಳತೆ, ಅಂದರೆ 1,2,3,4,…..50 ಕೆಜಿ ತೂಕ ಮಾಡಲು ಕಡಿಮೆ ಎಂದರೆ ಎಷ್ಟು ಬೊಟ್ಟು ಹಾಗೂ ಯಾವ ಯಾವ ಕೆಜಿ ಇರುವುವು ಬೇಕು ?
